Siyosat
“Xalq banki” AT Mastercard bilan strategik hamkorlikni mustahkamlamoqda
Bitim raqamli xizmatlarni kengaytirish va O‘zbekiston moliyaviy ekotizimida innovatsion yechimlarni joriy etishga qaratilgan. Mastercard kompaniyasining Sharqiy Yevropa bo‘limi prezidenti Yasemin Bedir hamkorlikni yuqori baholab, OTBning Samarqand shahrida bo‘lib o‘tadigan yillik forumida ishtirok etish kompaniya uchun katta sharaf ekanini ta’kidladi.
“Bugun biz “Xalq banki” AJ bilan oʻzaro anglashuv memorandumini imzoladik. Ushbu hujjat hamkorligimizning yangi bosqichiga oʻtishni aks ettiradi va yangi portfellarni rivojlantirish, moliyaviy mahsulotlarni yanada integratsiyalash va raqamlashtirish jarayonlarini ragʻbatlantirish uchun mustahkam poydevor yaratadi”, — dedi u.
Ushbu hamkorlik doirasida ikki kompaniya “Xalq Card” brendi ostidagi yangi avlod chakana moliyaviy mahsulotini ishlab chiqishni rejalashtirmoqda. Bankning ta’kidlashicha, karta har tomonlama bozor tahlili va mijozlar ehtiyojlari asosida ishlab chiqilgan bo’lib, barcha foydalanuvchilar uchun shaxsiylashtirilgan moliyaviy yechimni taqdim etadi.
Bundan tashqari, tomonlar sun’iy intellektga asoslangan kredit skoringining eng zamonaviy tizimini joriy etishni rejalashtirmoqda. Ushbu texnologiya tezroq va aniqroq kredit qarorlarini qabul qilish imkonini beradi, ma’lumotlarga asoslangan kreditlash amaliyotini kengaytiradi va moliyaviy xizmatlardan umumiy foydalanish imkoniyatini yaxshilaydi.