Dunyodan
Vaziyat jiddiylashdimi? AQSh yana Rossiyaga aloqador tankerni qo’lga oldi
AQSh qirg‘oq qo‘riqlash xizmati xodimlari Karib dengizida Trinidad va Tobago qirg‘oqlari yaqinida Olina neft tankerini qo‘lga oldi, deb yozadi The Wall Street Journal AQSh rasmiylariga tayanib.
WSJ ma’lumotlariga ko’ra, tanker AQSh sanksiyalari ostida Rossiya xom neftini noqonuniy olib o’tgan. Bu safar kema Venesuelani tark etdi. Bu tanker ilgari Minerva M nomi bilan tanilgan.
Bu Venesueladan neft eksportini nazorat qilish amaliyoti doirasida so‘nggi haftalarda Qo‘shma Shtatlar tomonidan qo‘lga olingan beshinchi kemadir. 7 yanvar kuni rossiyaliklar bo‘lgan Marinera tankeri ham xalqaro suvlarda qo‘lga olindi. AQSh rasmiylarining fikricha, u sanksiyalarga qaramay, Venesuela va Eronga Rossiya neftini jo‘natgan.
Bugun AQSh prezidenti Donald Tramp ikki nafar rossiyalikning kema ekipajidan ozod etilishini ma’qulladi.