Sport
UYeFA Isroilni xalqaro turnirlardan chetlatmadi
Yevropa futbol assotsiatsiyalari ittifoqi (UYeFA) Isroilning xalqaro futbol turnirlarida ishtirok etishi bo‘yicha ijobiy qaror qabul qildi.
24 sentabr kuni UYeFA Isroil milliy terma jamoasi va klublariga qarshi sanksiyalar qo‘llamaslikka qaror qildi, deb xabar berdi Israel Hayom.
Bu haqda UEFA ijro qo‘mitasi yig‘ilishidan so‘ng ma’lum bo‘lgan, unda Isroil milliy terma jamoasini JCh-2026 saralash o‘yinlari va Yevropa chempionatlaridan, jumladan, «Makkabi Tel-Aviv» klubini Gretsiyaning PAOK klubiga qarshi o‘ynashi kerak bo‘lgan Yevropa Ligasidan chetlatish imkoniyati muhokama qilingan.
Ta’kidlanishicha, qaror Yaqin Sharqdagi mojaroning kuchayishi munosabati bilan xalqaro tanqid va boykotga chaqiriqlar kuchayib borayotganiga qaramay qabul qilindi.
Avvalroq BMT ekspertlari Isroilni inson huquqlari va erkinliklarini qo‘pol ravishda buzayotganiga ishora qilib, zudlik bilan xalqaro turnirlardan chetlatishga chaqirgan edi.
Qo‘mitaning navbatdagi yig‘ilishi oktyabr oyiga rejalashtirilgan va voqealar rivojiga qarab vaziyat o‘zgarishi mumkin.
Eslatib o‘tamiz, UYeFA 2022 yil fevralida Ukrainaga bosqin qilinganidan so‘ng Rossiya milliy terma jamoasi va klublarini barcha musobaqalardan chetlatgan edi.