Jamiyat
Usta Shirin ko‘chasidagi ishlab chiqarish korxonasida yong‘in kelib chiqdi
Toshkent shahar Olmazor tumanida sodir bo‘lgan yong‘in to‘g‘risida birlamchi ma’lumot taqdim etildi.
Bugun, 30 iyul kuni soat 09:58 da Olmazor tumani Usta Shirin ko‘chasida joylashgan sintepon ishlab chiqarish korxonalarining birida yong‘in bo‘layotgani to‘g‘risida Toshkent shahar FVBga xabar kelib tushgan.
Yong‘in qutqaruv ekipajlari aytilgan manzilga soat 10:02 da yetib borgan, ayni vaqtda yong‘inni o‘chirish ishlari bajarilmoqda.
Yong‘in natijasida jabrlanganlar to‘g‘risida xabar kelib tushmagan.
Voqea joyiga Toshkent shahar FVB rahbariyati hamda mas’ul tashkilotlarning vakillari chiqqan.
Yong‘in soat 10:10 da qurshab olindi, deb xabar berdi Toshkent shahar FVB.