Dunyodan
Umra ziyoratiga vaqtinchalik taqiq e’lon qilindi
Saudiya Arabistoni 2026-yilgi Haj mavsumi oldidan Umra ziyorati uchun asosiy cheklovlar va muddatlarni rasman e’lon qildi. Yangi qoidalarga ko‘ra, umra ziyoratining oxirgi kuni 18 aprel bo‘ladi.
Har yili millionlab ziyoratchilar Makka va Madinaga tashrif buyurishadi. Ammo Haj mavsumi yaqinlashar ekan, Saudiya hukumati muqaddas shaharni ko‘p sonli ziyoratchilar uchun tayyorlash maqsadida Umra vizalarini vaqtincha to‘xtatdi.
Rasmiy maʼlumotlarga koʻra, umra vizasiga murojaat qilishning oxirgi kuni 19-mart, Saudiya Arabistoniga kirishning oxirgi kuni 2-aprel, Saudiya Arabistonidan joʻnab ketishning oxirgi kuni 18-aprel hisoblanadi.
Belgilangan muddat o’zgarmaydi. Ziyoratchilar umrani o‘z vaqtida bajarishlari va Haram hududini tark etishlari kerak.
Mutaxassislarning aytishicha, Umra ziyoratini bekor qilish logistika va xavfsizlik nuqtai nazaridan zarur. Haj davrida 2 milliondan ortiq ziyoratchilar kelishi kutilmoqda. Xavfsizlik choralari kuchaytiriladi, tibbiy xizmat ko‘rsatish ko‘lami kengaytiriladi, ziyoratchilar uchun mehmonxona va transport vositalari qayta tashkil etiladi.
Bu qadam, shuningdek, Masjid-i Harom ichidagi ortiqcha tirbandlikning oldini olishga yordam beradi.
Cheklovlar Umra ziyorati oldidan reja tuzayotgan ziyoratchilar, xorijiy sayyohlik agentliklari, Makka va Madinadagi mehmonxona va transport sohasi vakillari, mahalliy va xorijlik fuqarolarga taalluqlidir.
Maʼlumotlarga koʻra, umra 2026-yilning 11-iyunida, Haj mavsumi tugaganidan soʻng davom ettirilishi rejalashtirilgan.