Dunyodan
Ukraina o’t ochishni to’xtatishning mumkin bo’lgan buzilishiga javoban Rossiyaga qarshi rejalar tayyorlamoqda – FT
Ukraina kelajakda otashkesim buzilgan taqdirda Rossiyadan javob qaytarish uchun maxfiy harbiy rejalarni ishlab chiqdi. Bu haqda Financial Times gazetasi g‘arb mamlakatlaridagi manbalarga tayanib xabar berdi. Hozircha bu ma’lumot rasman tasdiqlanmagan.
Nashrning yozishicha, Kiyev rejani G‘arb hamkorlari bilan muvofiqlashtirgan. Rejaga ko‘ra, Rossiya o‘t ochishni to‘xtatish shartlarini buzsa, Ukraina va uning ittifoqchilari 24 soat ichida javob qaytarishi kerak.
Birinchi qadam diplomatik ogohlantirish bo’lishi mumkin. Agar bu chora natija bermasa, keyingi qadam Ukraina harbiylarining harbiy aralashuvi bo‘ladi.
Agar jangovar harakatlar davom etsa, ikkinchi bosqich “ko`ngilli kuchlar koalitsiyasi” deb nomlanuvchi tuzilmani faollashtirishni o`z ichiga oladi. Bunga Yevropa Ittifoqiga a`zo ko`plab davlatlar, Buyuk Britaniya va Turkiya kiradi.
Rossiyaning keyingi hujumlari bo’lsa, reja birinchi hujumdan keyin 72 soat ichida AQSh kuchlari ishtirokida muvofiqlashtirilgan javobni talab qiladi.
Financial Times ko‘p bosqichli reja dekabr va yanvar oylarida Ukraina, Yevropa va AQSh vakillari o‘rtasida bir necha bor muhokama qilinganini ta’kidladi.