Jamiyat
Uch oyda 60 mingdan ziyod haydovchi jarima ballarini oldi
1 iyundan boshlab, yo‘l harakati qoidalarini buzganlik uchun jarima ballarini hisoblash tizimi ishga tushirilgach, uch oy ichida 60 mingdan ortiq haydovchilar jarima ballarini olgan.
Yo‘l harakati xavfsizligi xizmati xabar berishicha, o‘tgan davrda:
5 ballgacha jarima to‘plaganlar — 4 nafar;
4 ballgacha — 14 nafar;
3 ballgacha — 129 nafar;
2 ballgacha — 4976 nafar;
1 ballgacha — 63 974 nafar haydovchini tashkil etgan.
9 million 325 mingdan ortiq haydovchi umuman jarima balli olmagan.
Uch oy ichida qoidabuzarliklar va yo‘l-transport hodisalari sezilarli darajada kamaygan. Xususan, iyun-avgustda 167 mingta qoidabuzarlik aniqlangan bo‘lib, bu 2024 yilning shu davriga nisbatan (285 mingta) 58 foizga kam. Bu davrda haydovchi aybi bilan sodir etilgan yo‘l-transport hodisalari soni 2024 yildagi 531 tadan joriy yilda 338 tagacha — 36 foizga qisqardi.