Jamiyat
Turkiyada bir nechta o‘zbekistonliklar qo‘lga olindi
Turkiyada o‘zbekistonliklar qo‘lga olindi. Istanbul konsulxonasi bu haqda xabar berdi.
Shu yilning 29-sentyabr kuni Istanbulda 6 nafar shaxs, shu jumladan bloger Jasmin ham mahalliy politsiya tomonidan qo‘lga olinib, 30-sentyabr kuni Maltepe yopiq turdagi jazoni ijro etish muassasasiga joylashtirilgan.
Mazkur shaxslar giyohvandlik vositalari va psixotrop moddalarning noqonuniy aylanmasi bilan bog‘liq jinoyatni sodir etishda gumon qilinmoqda.
Tintuv tadbirlari davomida olingan ashyoviy dalillar ekspertizaga yuborilgan.
Hozirda tergov jarayoni davom etmoqda
Avvalroq konsulxona odam savdosida ayblangan “Sonya” ismli ayol O‘zbekistonga deportatsiya qilingani haqida xabar bergandi.