Jamiyat
Toshkentda Equinox sodir etgan YTHda 15 ta avtomobil shikastlandi
Bugun, 5 may kuni Mirzo Ulug‘bek tumani Mirzo Ulug‘bek ko‘chasi bo‘ylab harakatlanib kelayotgan Equinox rusumli transport vositasining haydovchisi — 1953-yilda tug‘ilgan R.K. sog‘lig‘i yomonlashib qolganligi sababli boshqaruvni yo‘qotgan.
Oqibatda svetoforning qizil chirog‘ida to‘xtab turgan bir nechta avtomobilga urilib, to‘qnashuv sodir etgan.
Hodisa oqibatida hech kim vafot etmagan. 15 ta transport vositalari texnik shikastlangan.
Yo‘l-transport hodisasi natijasida Equinox avtomashina haydovchisi «Tos suyagi va chap yelka sinishi, bosh miya yopiq jarohati» alomatlari bilan shifoxonaga yotqizilgan, deyiladi poytaxt IIBB xabarida.
Shuningdek, boshqa transport vositalarining haydovchilari: 1968-yilda tug‘ilgan S.Y., 1971-yilda tug‘ilgan M.A., 1985-yilda tug‘ilgan S.Y.lar yengil tan jarohati olganligi sababli ularga shifokorlar tomonidan birinchi tibbiy yordam ko‘rsatilgan.
Mazkur holat yuzasidan Toshkent shahar IIBB YHXB tomonidan surishtiruv harakatlari olib borilmoqda.