Jamiyat
Toshkentda BYD yo‘lovchi avtobus bilan to‘qnashdi
BYD haydovchisi chorrahada svetoforning qizil chirog‘ida harakatlangan va yo‘lovchi avtobusga borib urilgan. Har ikki haydovchi shifoxonaga yuborilgan.
Toshkent shahrida yo‘lovchi avtobus va BYD mashinasi ishtirokida YTH sodir bo‘ldi. “Toshshahartransxizmat” AJ axborot xizmati hodisa yuzasidan rasmiy ma’lumot berdi.
Ma’lum qilinishicha, YTH “Nukus” va “T.Shevchenko” ko‘chalari kesishgan chorrahada sodir bo‘lgan. Yutong avtobusi chorrahadan “T.Shevchenko” ko‘chasiga burilayotganda qarama-qarshi tarafdan harakatlanib kelgan BYD avtobus bilan to‘qnashgan.
Ta’kidlanishicha, BYD haydovchisi chorrahada svetoforning taqiqlovchi qizil chirog‘iga bo‘ysunmasdan harakatlangan.
Dastlabki ma’lumotga ko‘ra, har ikki haydovchi tez-tibbiy yordam xodimlari hamrohligida shifoxonaga yuborilgan.
Hozirda holat yuzasidan surishtiruv ishlari olib borilmoqda.
Avvalroq Toshkentda yo‘lovchi avtobus va Tracker to‘qnashgandi.