Jamiyat
Toshkentda buzilayotgan eski binoda yong‘in sodir bo‘ldi
Mirobod tumanida sodir bo‘lgan yong‘in yuzasidan ma’lumot taqdim etildi.
Kecha, 9 iyun kuni soat 14:03 da Toshkent shahar Mirobod tumanida Oltinko‘l 1-tor ko‘chasida joylashgan buzilayotgan eski binoda yong‘in sodir bo‘layotgani to‘g‘risida Toshkent shahar FVBga xabar kelib tushgan.
Shunga ko‘ra, yong‘in-qutqaruv ekipaji voqea joyiga soat 14:16 da yetib borib, yong‘in soat 14:21 da qurshab olinib, soat 14:24 da bartaraf etilgan.
Yong‘in oqibatida jarohatlanganlar yo‘q.