Jamiyat
Toshkent viloyatida o‘n bir oyda yarim tonnadan ortiq giyohvandlik vositalari noqonuniy muomaladan olindi
Tezkor tadbirlar davomida 1 440 nafar shaxs va 100 ta jinoiy guruh faoliyati fosh etildi.
“Xavfsiz va sog‘lom yurt” tezkor-profilaktik tadbirining uchinchi bosqichi doirasida Toshkent viloyati IIBB, uning quyi bo‘linmalari hamda DXX viloyat boshqarmasi hamkorligida o‘tkazilgan qator tezkor tadbirlar natijasida noyabr oyining o‘zida 53 kg dan ortiq giyohvandlik vositasi, 3 884 dona psixotrop modda va 26 545 ta bir martalik dozaga teng 5,3 kg sintetik vosita noqonuniy muomaladan chiqarildi.
Shu bilan birga, 2025 yilning o‘tgan 11 oyi davomida viloyat huquqni muhofaza qiluvchi organlari tomonidan turli hajm va ko‘rinishdagi 491 kg giyohvandlik vositasi, 365 289 dona psixotrop modda hamda 48,5 kilogramm sintetik vositalar (242 370 ta bir martalik doza) musodara qilindi.
Foto: IIBB
Foto: IIBB
Foto: IIBB
Tezkor tadbirlar davomida 1 440 nafar shaxs va 100 ta jinoiy guruh faoliyati fosh etildi. Ularga nisbatan qonun ustuvorligi hamda jazo muqarrarligi to‘liq ta’minlandi.
Avvalroq Surxondaryoda mashinasida 51 kg gashish olib ketayotgan shaxs ushlangandi.