Jamiyat
Toshkent viloyatida Latviya orzusi chippakka chiqdi
Toshkent viloyatida Latviya davlatiga ishga yuborishni va’da qilgan shaxs ushlandi.
Bosh prokuratura huzuridagi Departamentning Angren shahri bo‘limi hamda DXX xodimlari hamkorligida tezkor tadbir o‘tkazilgan.
Unda fuqaro B.N. 3 nafar fuqaroning ishonchiga kirib, ularga Latviya davlatiga borishlari uchun 8 250 AQSh dollari evaziga tanishlari yordamida ishchi viza olib berishini va’da qilib, oldindan 2 100 AQSh dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.