Mahalliy
Toshkent shahridagi Amiti universitetiga boshqaruv direktori tayinlandi
O‘zbekiston Respublikasi Vazirlar Mahkamasi qarori bilan Shuhrat Shavkatovich Sattorov Toshkent shahridagi Amiti universiteti boshqaruvi direktori etib tayinlandi.
Sh. Sattorov bunga qadar Raqamli texnologiyalar vazirligi huzuridagi Raqamli ta’limni rivojlantirish markazi direktori lavozimida ishlagan.
U O‘zbekiston davlat jahon tillari universiteti, Koreya Respublikasining Yonsey hamda Hindistonning Puna universitetlarida o‘qigan.
Eslatib o‘tamiz, bunga qadar Toshkent shahridagi Amiti universiteti boshqaruvi direktori vazifasini bajaruvchi lavozimida ishlagan B. Abdullayev Toshkent shahridagi Inha universiteti rektori etib tayinlangandi.