Jamiyat
Toshkent metropoliteni yo‘nalishlarining grafik sxemasi yangilandi
Toshkent metropoliteni yo‘nalishlarining grafik sxemasi yangilanib, dolzarb holatga keltirildi. Yangilangan sxema yo‘lovchilar uchun harakat vaqti va yo‘nalishlar bo‘yicha yanada aniq ma’lumotlarni taqdim etadi.
Yangilanishlar doirasida quyidagi o‘zgarishlar amalga oshirildi:
Yunusobod yo‘li va Halqa yer usti yo‘lida birinchi va oxirgi bekatlar orasidagi o‘rtacha yo‘l vaqti qayta hisoblandi;
Ushbu yo‘nalishlarda bekatlar oralig‘ida poyezdlar harakatining o‘rtacha vaqti (daqiqalar va soniyalarda) yangilandi;
Metro bekatlari yaqiniga qo‘shimcha shahar atrofi avtostansiyalari kiritildi;
Metro bekatlaridan yetib borish mumkin bo‘lgan qo‘shimcha diqqatga sazovor joylar — bog‘lar, bozorlar va sport inshootlari sxemaga qo‘shildi.
Yangilangan sxemaning katta formatdagi varianti bilan ushbu havola orqali batafsil tanishish mumkin.
Ma’lumot uchun, sxema 2026 yil 3 yanvar kuni yangilangan.