Jamiyat
Toshkent markazida to‘rtta avtomobil to‘qnashdi
Poytaxtning Yakkasaroy tumanida sodir etilgan YTH haqida ma’lumot taqdim etildi.
2025 yilning 26 avgust kuni soat 14:30 larda Yakkasaroy tumani Bobur ko‘chasida yo‘l-transport hodisasi yuz berdi.
Toshkent shahar IIBB YHXB xabariga ko‘ra, ZEEKR rusumli transport vositasi, Matiz rusumli transport vositasi, «Vaz-2105» rusumli transport vositasi va Nexia-2 rusumli transport vositalari o‘zaro to‘qnashuvi natijasida yo‘l-transport hodisasi sodir bo‘lgan.
YTH natijasida ZEEKR avtomashinasi haydovchisiga shifokorlar tomonidan birinchi tibbiy yordam ko‘rsatilgan.
Holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.