Jamiyat
Toshkent katta halqa avtomobil yo‘lida avtomobil yonib ketdi
Yunusobod tumanida avtomobilda sodir bo‘lgan yong‘in to‘g‘risida ma’lumot taqdim etildi.
Joriy yilning 9 sentabr kuni soat 16:30 da Toshkent shahar Yunusobod tumani, Toshkent katta halqa avtomobil yo‘lida avtomobil yonayotgani to‘g‘risida FVBga xabar kelib tushgan.
Shunga ko‘ra, yong‘in-qutqaruv texnikalari aytilgan manzilga soat 16:35 da yetib borib, yong‘in soat 16:45 da o‘chirilgan.
Yong‘in oqibatida tan jarohati olganlar to‘g‘risida xabar kelib tushmadi.
Hozirda yong‘in sababi va keltirilgan moddiy zarar miqdori aniqlanmoqda.