Jamiyat
Temiryo‘l muzeyi qarshisida ikki avtomobil ishtirokida YTH sodir bo‘ldi
Toshkent shahri Mirobod tumanida “Spark” va Kia avtomashinalari ishtirokida yo‘l-transport hodisasi sodir bo‘lib, natijada bir nafar yo‘lovchiga birinchi tibbiy yordam ko‘rsatildi.
Ma’lumotga ko‘ra, hodisa 2026 yil 20 yanvar kuni soat 15:00 larda Mirobod tumani, KHAY ko‘chasida, Temiryo‘l muzeyi qarshisida sodir bo‘lgan. 1996 yilda tug‘ilgan A.T. boshqaruvidagi “Spark” hamda 1993 yilda tug‘ilgan I.D. boshqaruvidagi Kia avtomashinalari o‘zaro to‘qnashgan.
YTH oqibatida “Spark” avtomashinasining 1987 yilda tug‘ilgan O‘.D. ismli yo‘lovchisiga shifokorlar tomonidan birinchi tibbiy yordam ko‘rsatilgan.
Holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.