Jamiyat
Tailandga borayotgan o‘zbeklar soni salkam 2,5 barobar oshdi
Tailandga turistik maqsadlarda borgan o‘zbekistonliklar soni 2,3 barobarga ortdi.
Milliy statistika qo‘mitasi ma’lumotlariga ko‘ra, 2025-yilning yanvar-aprel oylarida jami 15,5 ming nafar O‘zbekiston fuqarolari turistik maqsadlarda Tailandga safar qilgan.
Bu ko‘rsatkich o‘tgan yilning mos davri bilan solishtirilganda 8,6 ming nafarga yoki 2,3 barobarga oshgan.
Joriy yilning yanvar-aprel oylarida Tailandga borgan O‘zbekiston fuqarolari safar maqsadlari bo‘yicha quyidagicha:
– sayyohlik – 13 655 nafar
– qarindoshlarni yo‘qlash – 1 730 nafar
– xizmat yuzasidan – 57 nafar
– o‘qish – 8 nafar
– davolanish – 6 nafar.