Sport
Shvetsiyalik Dyuplantis langarcho‘p bilan sakrashda jahon rekordini yangiladi
Sportchi 6 m 30 sm balandlikni zabt etdi.
Shvetsiyalik sportchi Arman Dyuplantis langarcho‘p bilan sakrashda jahon rekordini yana bir marta yangiladi.
Bu safar Tokioda bo‘lib o‘tgan yengil atletika bo‘yicha jahon chempionatida u 6 m 30 sm balandlikka sakradi. Natijada uchinchi marta jahon chempioni bo‘ldi.
Aytish joizki, 25 yoshli Dyuplantis bir oydan sal ko‘proq vaqt oldin o‘rnatgan o‘z rekordini 1 sm ga yangiladi.
Dyuplantis 2020 yil fevralidan beri langarcho‘pda sakrash bo‘yicha dunyo rekordchisi hisoblanadi. U Tokio Olimpiadasi chempioni va Yevropa chempioni ham sanaladi.