Jamiyat
Shota Rustaveli ko‘chasida KIA va skuter to‘qnashdi
Yakkasaroy tumanida sodir bo‘lgan yo‘l-transport hodisasi haqida ma’lumot taqdim etildi.
Joriy yilning 19 sentabr kuni soat 23:40 larda Yakkasaroy tumani Shota Rustaveli ko‘chasida KIA rusumli avtomashina va skuter transport vositasi ishtirokida yo‘l-transport hodisasi sodir bo‘lgan.
YTH natijasida skuter haydovchisiga birinchi tez tibbiy yordam ko‘rsatilgan.
Mazkur holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.