Dunyodan
Shimoliy Koreyada “Squid Game”ni tomosha qilgan yoshlar qatl etildi
Shimoliy Koreyada Janubiy Koreya dramalari yoki musiqalarini tomosha qilgan yoki tarqatgan har bir kishi jazoga tortiladi, jumladan, qatl qilish, majburiy mehnat lagerlari va ommaviy tahqirlash. Bu haqda The Sun manbalarga asoslanib xabar berdi.
Mamlakatni tark etgan Shimoliy Koreya fuqarolari Xalqaro Amnistiya tashkilotiga qattiq jazodan qutulishning yagona yo‘li katta miqdorda pora berish ekanini aytdi. Ba’zilar “qayta tarbiyalash lagerlari”ga yuborilmaslik uchun uylarini sotishadi.
Nafaqat kattalar, balki o’smirlar ham bundan mustasno emas. Shimoliy koreyalik qochoqlarning da’vo qilishicha, bir necha boshlang‘ich maktab o‘quvchilari “Squid Game” serialini tomosha qilgani uchun omma oldida qatl etilgan.
Guvohlarning ta’kidlashicha, hibsga olinganlarning o’zlari taqiqlangan kontentni yashirincha tomosha qilishadi. Bundan tashqari, maktab o’quvchilari ba’zan “mafkuraviy tarbiya” doirasida ommaviy qatllarni kuzatishga olib ketiladi.
Amnesty International suhbatdoshlarining aytishicha, jiddiy xavf-xatarlarga qaramay, Shimoliy Koreyada xorijiy kontent keng tarqalgan. U Xitoydan kontrabanda orqali olib kelinadi.