Siyosat
Shavkat Mirziyoyev Belarusga rasmiy tashrif bilan keldi
Prezident Shavkat Mirziyoyev Belarus prezidenti Aleksandr Lukashenkoning taklifiga binoan 8-9 iyul kunlari rasmiy tashrif bilan ushbu mamlakatda bo‘ladi.
Foto: Prezident matbuot xizmati
Tashrif dasturiga ko‘ra, ikki davlat rahbarlari Minskda oliy darajadagi muzokaralar o‘tkazadi, asosiy e’tibor O‘zbekiston va Belarus o‘rtasidagi ko‘p qirrali sheriklikni yanada kengaytirish masalalariga bag‘ishlanadi.
Muzokaralar chog‘ida o‘zaro tovar ayirboshlashni kengaytirish, qishloq xo‘jaligi, mashinasozlik, farmatsevtika, to‘qimachilik sanoati, oziq-ovqat sanoati va iqtisodiyotning boshqa tarmoqlarida hamkorlikni mustahkamlash masalalari muhokama qilinishi kutilmoqda.
Ikki davlat, shuningdek, madaniy-gumanitar almashinuvlarni kengaytirish masalalarini muhokama qiladi. Sammit yakunlari boʻyicha hamkorlikning ustuvor yoʻnalishlarini qamrab oluvchi muhim ikki tomonlama shartnomalar imzolanishi kutilmoqda.
Rasmiy muzokaralar oldidan Minsk shahrida ikki davlatning mintaqaviy delegatsiyalari va biznes vakillari ishtirok etadigan III Oʻzbekiston-Belarus mintaqalararo forumi boʻlib oʻtadi.