Jamiyat
Sergelida YTH: “Matiz” va Hongqi to‘qnashdi
Toshkent shahar Sergeli tumanida 2026 yil 19 fevral kuni “Matiz” va Hongqi rusumli transport vositalari ishtirokida yo‘l-transport hodisasi sodir bo‘ldi. Hodisa oqibatida tan jarohati olganlar qayd etilmadi.
Toshkent shahar IIBB YHXB axborot xizmati ma’lumotiga ko‘ra, voqea soat 07:30 larda Sergeli tumanidagi Mirzo Tursunzoda — Lutfikor ko‘chalari chorrahasida yuz bergan. Unda “Matiz” va Hongqi o‘zaro to‘qnashgan.
Qayd etilishicha, YTH natijasida jabrlanganlar yo‘q. Holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.