Jamiyat
Sergelida Nexia avtobus bekatiga borib urildi
Joriy yilning 25 sentabr kuni soat 15:00 larda Sergeli tumani Yangi Sergeli ko‘chasida yo‘l-transport hodisasi yuz berdi.
Haydovchi, 1999 yilda tug‘ilgan Yu.M. boshqaruvida bo‘lgan Nexia-1 rusumli avtomashinasida harakatlanib kelayotib rul boshqaruvini yo‘qotib, yo‘l chetidagi avtobus bekatiga urilishi oqibatida yo‘l-transport hodisasi sodir bo‘lgan.
YTH natijasida tan jarohati olganlar yo‘q.
Mazkur holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.