Jamiyat
Sergeli tumanida avtobusda yong‘in chiqdi
Jamiyat | 09:00
371
1 daqiqa o‘qiladi
Toshkent shahar Sergeli tumanida yo‘lovchi avtobusida yong‘in sodir bo‘ldi. Favqulodda vaziyatlar xizmati xodimlari hodisaga tezkorlik bilan yetib borib, yong‘inni qisqa vaqt ichida bartaraf etdi. Hodisa oqibatida jabrlanganlar yo‘q.
Foto: FVV
Ma’lum qilinishicha, 6 aprel kuni soat 18:45 da Sergeli tumani Yangi Sergeli ko‘chasida avtobusda yong‘in yuz berayotgani haqida xabar kelib tushgan.
Qutqaruv ekipajlari hodisa joyiga soat 18:51 da yetib borib, yong‘in soat 18:55 da to‘liq o‘chirilgan.
Hodisa oqibatida tan jarohati olganlar qayd etilmagan.