Dunyodan
Saudiya Arabistoni haj mavsumi oldidan yangi direktivani e’lon qildi
Saudiya Arabistoni Ichki ishlar vazirligi hijriy 1447-yil (2026-yil) haj mavsumiga tayyorgarlik doirasida Makkaga kirish va umra amallarini bajarishning yangi tartiblarini joriy qildi.
Yangi qoidalarga ko‘ra, 2026-yil 13-apreldan boshlab Makkaga kirish uchun maxsus ruxsatnoma talab qilinadi.Ushbu ruxsatnomasiz odamlar shaharga kira olmaydi.
Biroq, ayrim toifalar uchun istisnolar qo’llaniladi. Xususan, ushbu cheklov Makkada yashash uchun ruxsatnomaga ega bo‘lgan shaxslar, Haj vizasi bo‘lgan shaxslar va muqaddas qadamjolarda ishlash uchun elektron ruxsatnomaga ega bo‘lgan fuqarolarga taalluqli emas.
Bundan tashqari, Umra vizasi bilan mamlakatga kiradiganlar uchun oxirgi chiqish sanasi 2026-yil 18-aprel etib belgilandi.
Umra ruxsatnomalarini berish 18 apreldan to‘xtatiladi. Ushbu cheklov 31-maygacha amal qiladi.
Bundan tashqari, 18 apreldan boshlab Haj vizasi bo‘lmagan xorijliklarning Makkaga kirishi va bo‘lishi taqiqlanadi.
Vazirlik ziyorat mavsumini xavfsiz va tartibli o‘tkazishda tartib-qoidalarga rioya qilish muhimligini ta’kidlab, tartibni buzganlarga nisbatan qonuniy jazo choralari qo‘llanilishini ma’lum qildi.