Siyosat
Saidov afg‘onistonlik hamkasbi bilan telefon orqali muloqot qildi
Ikki mamlakat TIV rahbarlari hamkorlik aloqalarini mustahkamlash hamda mintaqada tinchlik va barqarorlikni ta’minlashga oid o‘zaro sadoqatni yana bir bor tasdiqlagan.
Afg‘oniston tashqi ishlar vaziri vazifasini bajaruvchi Mavlaviy Amir Xon Muttaqiy bilan samarali telefon muloqotini o‘tkazdik, deya ma’lum qildi O‘zbekiston tashqi ishlar vaziri Baxtiyor Saidov.
“Suhbatimiz chog‘ida mamlakatlarimiz o‘rtasidagi ikki tomonlama kun tartibi va mintaqaviy jarayonlar yuzasidan fikr almashdik. Hamkorlik aloqalarini mustahkamlash hamda mintaqada tinchlik va barqarorlikni ta’minlashga oid o‘zaro sadoqatimizni yana bir bor tasdiqladik”, – deya yozdi Saidov o‘zining Telegram-kanalida.
Vazirlar muloqot va diplomatiya mavjud chaqiriqlarga yechim topishda hamda o‘zaro tushunishni mustahkamlashning eng samarali vositasi ekanligini alohida ta’kidlashdi.