Siyosat
Saida Mirziyoyeva Fransiyaning Yevropa va tashqi ishlar vaziri bilan uchrashuv o‘tkazdi
Prezident administratsiyasi rahbari Saida Mirziyoyeva Fransiyaning Yevropa va tashqi ishlar vaziri Jan-Noyel Barro bilan uchrashuv o‘tkazdi. Bu haqda u ijtimoiy tarmoqdagi sahifasida ma’lum qildi.
Ta’kidlanishicha, Fransiya O‘zbekistonning Yevropadagi muhim strategik hamkorlaridan biri sanaladi. O‘zaro aloqalar energetika, transport, infratuzilma, ta’lim va sog‘liqni saqlash kabi sohalarni qamrab oladi.
«Markaziy Osiyo mintaqasida ishonchli va barqaror hamkor sifatidagi mavqeimizni saqlab qolgan holda, Fransiya va umuman Yevropa bilan sheriklikni kelgusida ham izchil mustahkamlash niyatidamiz», — deyiladi xabarda.