Jamiyat
Rossiyada mushkul vaziyatda qolgan to‘rt ayol va ularning bolalari O‘zbekistonga olib kelindi
O‘zbekiston Bosh konsulxonasi Migratsiya agentligi vakolatxonasi bilan birgalikda Rossiyaning Tomsk va Novosibirsk shaharlarida og‘ir hayotiy vaziyatga tushib to‘rt nafar ayol va ularning bolalarini qaytardi.
Ma’lumotlarga ko‘ra, vatandoshlar zarur hujjatlarini yo‘qotgan va O‘zbekistonga qaytish uchun mablag‘ topolmagan.
Bosh konsulxonasi tomonidan hamyurtlarning O‘zbekistonga qaytishlari uchun sertifikatlar rasmiylashtirildi. Migratsiya agentligi vakolatxonasining sa’y-harakatlari bilan esa ular uchun aviachipta xarid qilindi.
Ayollar va bolalar Novosibirsk-Farg‘ona aviareysi bilan O‘zbekistonga kuzatib qo‘yildi.
30 iyuldan 30 avgustga qadar “Vatanga qaytarish” xayriya aksiyasi o‘tkazilmoqda. Tadbirdan ko‘zlangan maqsad xorijda mushkul ahvolda qolgan O‘zbekiston fuqarolarini samarali hayotga qaytarishdan iborat.
Murojaat uchun: Migratsiya agentligining xorijdagi vakolatxonalari va O‘zbekistonning xorijdagi vakolatxonalari hamda konsullik muassasalari, @huquqiy_yordam_uzbot yoki 12-82 qisqa raqamiga qo‘ng‘iroq qiling.