Dunyodan
Rossiya agressiyasiga javoban Yaponiya tomonidan kiritilgan sanksiyalar ko‘lami e’lon qilindi.
Yaponiya Rossiyaning Ukrainaga bostirib kirishini to‘xtatib, adolatli va barqaror tinchlik o‘rnatish uchun sanksiyalar kiritdi. Bu haqda “Xabar.uz” muxbiriga Yaponiya Tashqi ishlar vazirligi rasmiysi ma’lum qildi.
“2025-yil sentabr oyi holatiga koʻra, Rossiya subʼyektlarining, shu jumladan 1017 nafar jismoniy shaxs, 370 ta tashkilot va 17 ta bank mablagʻlari muzlatib qoʻyilgan, 561 ta yuridik shaxsga eksport qilish taqiqlangan. Shuningdek, uchinchi davlatlarning bir qator subʼyektlariga (14 ta davlat va 1 ta hududiy vakil) jamgʻarmalarni muzlatish va eksport qilishni taqiqlash qoʻllanilgan.
Sanksiyalar muddatiga nazar tashlaydigan bo‘lsak, 2022-yil fevralida Ukraina urushi boshlanishi bilanoq ko‘plab Rossiya davlat amaldorlari, oligarxlar va harbiylarning, jumladan, prezident Vladimir Putin va tashqi ishlar vaziri Sergey Lavrovning mablag‘lari muzlatib qo‘yildi. Moliyaviy sanktsiyalar qo’llanildi va Rossiyadan ayrim mahsulotlarni eksport qilish taqiqlandi.
2022 yil aprel oyidan boshlab Yaponiya hukumati energetika sohasida Rossiyaga qaramlikni kamaytirish uchun Rossiya ko’mir va neft importidan asta-sekin voz kechishni boshladi. Rossiyadan ayrim tovarlarni olib kirish taqiqlanadi.
2025-yil sentabr oyidan boshlab uchinchi mamlakatlardagi tashkilotlarga nisbatan sanksiyalardan qochishga urinishlarning oldini olish choralari ko‘rilmoqda. Boshqa ko’plab ta’sir usullari ham qo’llanilgan.
Bundan tashqari, Yaponiya sanktsiyalar bo’yicha xalqaro hamjamiyat bilan hamkorlik qilib, Ukraina muammosini hal qilishga hissa qo’shish niyatida.
Rossiya bosqinining boshida Yaponiya hukumati rasmiylari Ukraina suvereniteti va hududiy yaxlitligi buzilganini, xalqaro huquq va Birlashgan Millatlar Tashkiloti Nizomining buzilishini keskin qoralab, Kremldan hujumni zudlik bilan to‘xtatishni va o‘z qo‘shinlarini Rossiya hududiga qaytarishni talab qilgan.
Yaponiya xalqaro hamjamiyat, ayniqsa G7 davlatlari bilan Rossiyaga qarshi sanksiyalar bo’yicha yaqindan hamkorlik qilmoqda.
Shuningdek, Yaponiya Ukrainaga moliyaviy, iqtisodiy, texnik va gumanitar yordam ko‘rsatadi. Tokio hukumati siyosiy va diplomatik yordam orqali xalqaro huquq tamoyillarini ilgari suradi.
Janob Kunchiqal, shuningdek, Ukrainani tiklash va qayta qurish bo’yicha sa’y-harakatlarni kuchaytirish niyatini bildirdi.