Dunyodan
Ronaldu “Al Nasr”da o’ynashdan bosh tortgani aytiladi
“Al Nasr” sardori Krishtianu Ronaldu Saudiya Arabistoni Premer-ligasining 20-turida Ar-Riyodga qarshi o‘yinda maydonga tushmaydi.
Futbolchi o’yin uchun jamoalar ro’yxatiga kiritilmagan. O’yin 2 fevral kuni bo’lib o’tadi, biroq bundan oldin OAVda Ronaldu Saudiya Premer-ligasi o’yinini boykot qilishi mumkinligi haqida xabarlar tarqalgan edi. Hujumchining bunday qarorga kelishiga uning Milliy investitsiya jamg’armasi tomonidan klub rahbariyatidan noroziligi sabab bo’lgan.
Manbalarda aytilishicha, Ronaldu jamg’arma uning jamoasiga boshqa klublar, xususan, “Al Hilol”ga qaraganda kamroq e’tibor va resurslar ajratadi, deb hisoblaydi. Ushbu siyosatga norozilik sifatida jamoa sardori 2 fevralga belgilangan o’yinda ishtirok etishdan bosh tortdi.
Ronaldu terma jamoa, Yevropa chempionati va Chempionlar ligasi tarixidagi eng ko‘p gol urgan futbolchi, shuningdek, barcha musobaqalarda 900 ta gol urgan birinchi futbolchi hisoblanadi. Portugaliyalik futbolchi besh marta Chempionlar ligasida, 2016 yilgi Yevropa chempionatida va ikki marta UEFA Millatlar ligasida g‘olib chiqqan.