Dunyodan
Qurolli to’qnashuvda 133 afg’on askari halok bo’ldi = Pokiston hukumati
Pokiston Bosh vazirining tashqi matbuot bo’yicha vakili Musharraf Zaydiyning aytishicha, chegaradagi to’qnashuvlarda 133 nafar afg’on jangarisi halok bo’lgan, 200 dan ziyodi yaralangan.
“Afgʻon toliblarining jami 133 nafari halok boʻlgani tasdiqlandi, 200 dan ortigʻi yaralandi. Yana koʻp qurbonlar Kobul, Paktiya va Qandahordagi harbiy nishonlarga qilingan hujumlar natijasida boʻlgani taxmin qilinmoqda. Afgʻoniston Tolibonlarining 27 ta posti yoʻq qilindi, toʻqqiz nafari qoʻlga olindi”, deb yozgan Zaydiy X tarmogʻida.
Shuningdek, korpusning ikkita shtab-kvartirasi, uchta brigada shtab-kvartirasi, ikkita o‘q-dori ombori, bitta logistika bazasi, uchta batalyon shtab-kvartirasi, ikkita divizion shtab-kvartirasi va 80 dan ortiq texnika, jumladan, tanklar, artilleriya va bronetransportyorlar yo‘q qilingani da’vo qilingan.
Afg‘oniston rasmiylari o‘tgan hafta Pokiston havo hujumlari Afg‘onistonning Nangarhor va Paktika viloyatlari tumanlariga berilgani, o‘nlab tinch aholi, jumladan, ayollar va bolalar halok bo‘lgani va yaralanganini aytdi.
Kecha kechqurun afg’on kuchlari portlash ortidan ikki davlatni ajratib turuvchi Durand chizig’i bo’ylab Pokiston kuchlariga qarshi yirik hujumkor harbiy operatsiya boshlaganini e’lon qildi.