Jamiyat
Qozog‘istonda mushkul ahvolda qolgan uch fuqaro O‘zbekistonga qaytariladi
O‘zbekiston Bosh konsulxonasi diplomatlari sa’y-harakatlari bilan Qozog‘iston hududida mushkul ahvolda qolgan yurtdoshlarni vatanga qaytarish bo‘yicha choralar ko‘rilyapti.
Bosh konsulxonadan olingan ma’lumotlarga ko‘ra, O‘zbekiston fuqarolari bo‘lgan D.N. hamda K.R. va uning 2021 yilda tug‘ilgan farzandi M.A. Qozog‘istonda mushkul vaziyatga tushib qolganlarini bildirgan holda, oilasi bag‘riga yetib olishi uchun moddiy yordam so‘ragan.
O‘zbekiston diplomatlari tomonidan mavjud holat o‘rganilganidan so‘ng, fuqarolarga 16 avgust va 18 avgustga belgilangan Olmaota-Nukus yo‘nalishidagi aviareyslarga chipta sotib olib berildi.
Vatandoshlar O‘zbekistonda 30 iyuldan 30 avgustgacha e’lon qilingan “Vatanga qaytarish” insonparvarlik loyihasi doirasida yaqinlari bag‘riga qaytarildi.