Iqtisodiyot
qaysi mamlakatlarda qarz eng katta?
2025 yilda dunyo bo‘yicha qarz/YaIM (GDP) nisbati 94,7 foizgacha oshdi. Infografikada davlat qarzi YaIMga nisbatan foizlarda hisoblangan holda yuqori bo‘lgan mamlakatlar yaqqol ko‘rsatilgan.
Xalqaro valuta jamg‘armasi (XVJ) hisobotiga ko‘ra, mamlakatlarning jami qarzi 111 trln dollarga yetgan. Davlat qarzining YaIMga nisbati eng yuqori bo‘lgan mamlakat — Yaponiya: 230 foiz.
Ikkinchi o‘rinda Sudan — davlat qarzi YaIMga nisbatan 222 foiz. Uchlikka Singapur ham kirgan — 176 foiz.
23 ta mamlakatda davlat qarzi YaIMning 100 foizidan yuqori. Ular orasida Gretsiya, Italiya, AQSh va Fransiya bor. Xitoy qarzi ham shu chegaraga yaqinlashib, 96 foizga yetgan.
Visual Capitalist
Shu bilan birga, Xitoyning maxsus ma’muriy hududi — Makaoning davlat qarzi nol. Eng past qarzga ega mamlakat esa Lixtenshteyn — YaIMning 1 foizi.
Rossiya davlat qarzi yuqori bo‘lgan mamlakatlar ro‘yxatiga kirmagan. XVJ ma’lumotlariga ko‘ra, uning davlat qarzi — YaIMning 23 foizi.