Jamiyat
Qator hududlarda qor ko‘chish xavfi e’lon qilindi
FVV tog‘oldi va tog‘li hududlarda istiqomat qiluvchi fuqarolarni, dam oluvchilarni hamda tog‘li hududlarda harakatlanuvchi haydovchilarni ehtiyot choralarini ko‘rishlarini so‘ramoqda.
Foto: Sputnik / Ovchinnikov
Gidrometeorologiya xizmati agentligi tomonidan berilgan ma’lumotga ko‘ra, 31 yanvar va 1-3 fevral kunlari kutilayotgan yog‘ingarchilik hamda havo haroratining o‘zgarishlari sababli respublikaning tog‘li hududlarida, shu jumladan:
Qashqadaryo viloyati: Dehqonobod, Kitob, Qamashi, Shaxrisabz tumanlari;
Surxondaryo viloyati: Boysun, Qumqo‘rg‘on, Sariosiyo, Uzun tumanlari;
Samarqand viloyati: Nurobod, Qo‘shrabot, Samarqand, Urgut tumanlari;
Jizzax viloyati: Baxmal, Zomin tumanlari;
Toshkent viloyati: Bo‘stonliq, Parkent, Ohangaron tumanlari (Chotqol tizmasi tog‘lari);
Namangan viloyati: Pop tumanida qor ko‘chish xavfi e’lon qilinadi.
FVV tog‘oldi va tog‘li hududlarda istiqomat qiluvchi fuqarolarni, dam oluvchilarni hamda tog‘li hududlarda harakatlanuvchi haydovchilarni ehtiyot choralarini ko‘rishlarini so‘ragan.