Jamiyat
Qashqadaryo va Toshkent viloyatida birinchi qor yog‘di
O‘zbekiston bo‘ylab havo sovishi fonida hududlarda birinchi qor yog‘ishi kuzatildi.
Jumladan, Qashqadaryo viloyati, Shahrisabz tumani tog‘li Sarchashma qishlog‘ida qor yog‘moqda. Xabar.uz o‘quvchilari qor tasvirlarini bizga yo‘lladi.
Shuningdek, Toshkent viloyati Parkent tumani Kumushkon qishlog‘ida birinchi qor yog‘di.
Ko‘plab tekislik hududlarida esa jadal yomg‘ir yog‘moqda.
Eslatib o‘tamiz, O‘zgidromet 4-6-noyabr kunlari havoning keskin sovib ketishi haqida ogohlantirgandi.