Jamiyat
«Qashqadaryo suv ta’minoti» mutaxassisi pora bilan ushlandi
Qashqadaryo viloyatida suvdan noqonuniy foydalanganlik holati bo‘yicha to‘plangan hujjatlarni sudga chiqarmaslikni va’da qilgan mutaxassis ushlandi.
Bosh prokuratura huzuridagi Departamentning Qashqadaryo viloyati boshqarmasi tomonidan tezkor tadbir o‘tkazilgan. Unda «Qashqadaryo suv ta’minoti» AJ ichimlik suv tizimi nazorat bo‘limi mutaxassisi S.M. xizmat mavqeidan foydalanib, fuqaro X.B.dan uning o‘g‘li N.B.ga nisbatan ichimlik suvidan noqonuniy foydalanganlik holati bo‘yicha rasmiylashtirilgan dalolatnomani sudga chiqarmaslik va qayta hisob-kitob qilib zararni yo‘q qilib berish evaziga 1,2 mln so‘m pullarni bank plastik kartasiga o‘tkazib olgan vaqtida ashyoviy dalillar bilan ushlangan.
Ushbu 1,2 mln so‘m pullarning qaytarilishi protsessual tartibda rasmiylashtirilgan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.