Jamiyat
Qamchiqda qor to‘xtadi: qatnov cheklovsiz davom etmoqda
Hozircha dovon hududida ikki yo‘nalish bo‘yicha avtomashinalar harakati to‘xtovsiz amalga oshmoqda. Haydovchilardan tezlik me’yoriga rioya qilish, oraliq masofani saqlash va ehtiyotkorlikni oshirish so‘raldi.
Mas’ul xizmatlar xabariga ko‘ra, Qamchiq dovonida qor yog‘ishi to‘xtagan. Yo‘l qismida harakat barqaror, ikki tomonlama qatnov ochiq. Shu bilan birga, yo‘l qoplamasida muzlamalar yuzaga kelmasligi uchun profilaktik ishlar davom ettirilmoqda.
Haydovchilarga quyidagilar tavsiya etiladi:
tezlikni me’yordan oshirmaslik va oraliq masofani qat’iy saqlash;
uzoq va yaqinni yorituvchi chiroqlardan to‘g‘ri foydalanish;
qishki shinalardan foydalanish, zarurat bo‘lsa, zanjir vositalarini qo‘llash.
Yo‘l holati bo‘yicha rasmiy e’lonlar va tavsiyalarni kuzatib borish so‘raladi.