Dunyodan
Prezident Tramp Eron bilan savdo qiladigan mamlakatlarga 25 foizlik bojlar joriy qildi
AQSh prezidenti Donald Tramp Eron Islom Respublikasi bilan biznes yurituvchi mamlakatlarga 25 foizlik boj joriy etishini e’lon qildi. Bu haqda u “Truth Social” ijtimoiy tarmog‘ida yozgan.
Prezidentning aytishicha, Eron bilan hamkorlik qiladigan davlatlar AQSh bilan barcha savdo operatsiyalari uchun 25 foizlik boj toʻlaydi. Prezident Tramp qaror “yakuniy va qaytarib bo‘lmaydigan” ekanligini aytdi.
Qarorning aniq tafsilotlari oshkor etilmagan. Vashington Post gazetasining xabar berishicha, yangi tariflar AQShning amaldagi tariflariga qo’shiladimi yoki yo’qmi, hozircha aniq emas. Gazeta tomonidan so‘ralgan iqtisodchilar qo‘shimcha tariflar AQSh iqtisodiga sezilarli darajada salbiy ta’sir ko‘rsatishi mumkinligini aytdi.
Bloomberg maʼlumotlariga koʻra, Eronning asosiy savdo hamkorlari qatoriga Hindiston, Xitoy va Turkiya kiradi.