Dunyodan
Pokiston Qandahor aeroporti yaqinidagi yoqilg‘i omboriga havodan zarba bergan
Pokiston harbiy samolyotlari Afg‘onistondagi Qandahor aeroporti yaqinidagi Kam Air yoqilg‘i omboriga hujum qilgani xabar qilingan.
Maʼlumotlarga koʻra, ushbu omborlar fuqaro aviatsiyasi va BMT samolyotlari uchun yoqilgʻi sifatida ishlatilgan. Shuning uchun hujumlar nafaqat harbiy, balki fuqaro aviatsiyasi infratuzilmasiga ham ta’sir qilishi mumkin.
Tolibon vakili Zabihulloh Mujohidning aytishicha, bu portlashlar natijasida tinch aholi vakillari ham qurbon bo’lgan.
TOLO News telekanaliga ko‘ra, Tolibon Nangarhor viloyatidagi Pokiston chegara punktiga hujum qilib, javob qaytargan. To‘qnashuvlar Nangarhor viloyatining Darbobo tumani yaqinidagi chegara hududida boshlangan. Hujum tafsilotlari va ehtimoliy qurbonlar hozircha oshkor etilmagan.