Dunyodan
Pokiston-Afg’oniston: Vaziyat qanchalik murakkab?
Xalqaro hamjamiyat Rossiya-Ukraina urushi, Yaqin Sharqdagi Isroil-Falastin mojarosi, Eron va AQSh va Isroil o‘rtasidagi ziddiyatlarga e’tibor qaratayotgan bir paytda mintaqaviy xavfsizlikning asosiy nuqtasi bo‘lgan Pokiston va Afg‘oniston o‘rtasidagi munosabatlarni e’tibordan chetda qoldirib bo‘lmaydi.
Ikki davlat oʻrtasidagi mojaro allaqachon xalqaro kun tartibidagi eng dolzarb masalalardan biriga aylangan.
Hozirda chegara xavfsizligi, terrorizmga qarshi kurash, iqtisodiy integratsiya, siyosiy beqarorlik kabi masalalar ikki tomonlama munosabatlarning asosiy mezoni hisoblanadi.
Bugungi suhbatimizda ekspert siyosatshunos Ovision Abdurahmonov bilan ushbu davlatlar o‘rtasidagi munosabatlarning bugungi holati va istiqbollarini muhokama qilamiz.
Suhbat davomida:
Bugungi kunda Pokiston va Afg‘oniston o‘rtasidagi munosabatlarni qanday baholaysiz? Ikki davlat munosabatlarida qaysi element muhimroq: hamkorlikmi yoki ziddiyatmi?
Chegara hududlaridagi qurolli mojarolar va xavfsizlik inqirozlari qay darajada qaynash nuqtasiga yetdi? Bu keskinliklarni tinch yo’l bilan hal qilishning yo’li bormi?
Afg’onistondagi hozirgi siyosiy vaziyat va Tolibon hukmronligi Pokistonning ichki barqarorligiga qanday strategik tahdid solmoqda?
Afg’onistonning boshqa qo’shnilariga nisbatan Islomobodning Kobulga munosabatida qanday tafsilotlar va farqlar bor?
Iqtisodiy loyihalar, xususan, tranzit yo‘laklari va savdo aloqalari ikki davlat o‘rtasidagi siyosiy muzni eritish uchun “yumshoq kuch” vazifasini bajara oladimi?
Ushbu ikki tomonlama munosabatlarni muvozanatlashda qo‘shni davlatlar, xususan, Markaziy Osiyo va xalqaro tashkilotlarning ta’siri qanchalik katta?
Ikki davlat o’rtasidagi vaziyatga Xitoyning munosabati qanday? Xitoy bu ikki davlat bilan iqtisodiy hamkorlik qiladi va har ikki davlatga ma’lum miqdorda ta’sir o’tkazishi mumkin. Bu o’sha paytda qanday ta’sir ko’rsatdi? Afg’oniston-Pokiston mojarosi Xitoyning milliy manfaatlariga qay darajada ta’sir qiladi?
Durand chizig‘idagi mojaro hal qilinmas ekan, Afg‘oniston-Pokiston munosabatlari barqaror bo‘lishi dargumon. Ikki davlat bu masalada kelishuvga erisha oladimi? Chegaralar o’zgaradimi?
Munosabatlarning yomonlashuviga guvoh bo‘layapmizmi yoki inqirozning kuchayishi xavfi bormi, degan savollarga javob beradi.