Sport
O‘zbekistonlik kurashchi «Zagreb Open» turnirida chempion bo‘ldi
Shu kunlarda Xorvatiya poytaxtida yunon-rum kurashi bo‘yicha «Zagreb Open» xalqaro turniri bo‘lib o‘tmoqda. Unda qatnashayotgan O‘zbekiston terma jamoasi musobaqaning birinchi kunida oltin medalga sazovor bo‘ldi.
Ushbu medalni iqtidorli polvon Aytjan Xalmaxanov keltirdi. -67 kg vazn toifasida kurashgan o‘zbekistonlik sportchi barcha raqiblarini mag‘lub etib, «klassik» kurashchilarimizning joriy yildagi ilk medaliga mualliflik qildi.