Jamiyat
O‘zbekistondagi eng keksa Ikkinchi jahon urushi qatnashchisi vafot etdi
O‘tgan yili Ro‘ziboy Sattorov Mudofaa vazirligining Harbiy havo kuchlariga qarashli samolyotda parvozni amalga oshirgandi.
O‘zbekistondagi eng keksa Ikkinchi jahon urushi qatnashchisi Ro‘ziboy Sattorov 116 yoshida vafot etdi, deb ma’lum qildi Qashqadaryo viloyati hokimligi matbuot kotibi Ahror Sodiqov.
Ro‘ziboy Sattorov Qashqadaryo viloyatining Qamashi tumanidan bo‘lib, Stalingrad frontida o‘qchi bo‘lib xizmat qilgan.
O‘tgan yili prezident topshirig‘i bilan Qarshi shahriga samolyot yuborilgan va Ro‘ziboy Sattorovning istagi amalga oshib, Mudofaa vazirligining Harbiy havo kuchlariga qarashli samolyotda parvozni amalga oshirgandi.
Ma’lumot berilishicha, Qashqadaryo viloyatidan Ikkinchi jahon urushida 47051 nafar, shu jumladan, 95 nafar xotin-qiz qatnashgan. Shundan 22077 nafari yurtga sog‘-omon qaytgan.