Siyosat
O‘zbekistonda qayta tiklanadigan energiya manbalarining o‘sishi jadallashgan holda ishlab chiqarishning keskin o‘sishi qayd etilgan
O‘zbekistonda quyosh va shamol stansiyalarida ishlab chiqarilgan elektr energiyasi 2026-yil fevral oyida o‘tgan yilning shu davriga nisbatan 203 foizga oshdi.
Foto: Qashqadaryo quyosh elektr stansiyasi
Energetika vazirligi maʼlumotlariga koʻra, yirik quyosh elektr stansiyalari fevral oyida 371 million kVt/soat, shamol stansiyalari esa 444 million kVt/soat elektr energiyasi ishlab chiqargan.
Natijada shu oyda qayta tiklanuvchi energiya manbalaridan jami elektr energiyasi ishlab chiqarish 815 million kVt/soatga yetdi.
Bu ko‘rsatkich 2025-yilning fevral oyiga nisbatan 413 million kVt/soatga ko‘pdir.O‘tgan yilning shu davrida quyosh va shamol stansiyalari birgalikda 401 million kilovatt/soat elektr energiyasi ishlab chiqargan bo‘lsa, shundan 265 million kVt/soat quyosh, 136 million kVt/soat shamol stansiyalarida ishlab chiqarilgan.
Vazirlik maʼlumotlariga koʻra, qayta tiklanadigan energiya manbalari ulushi ortib borayotgani mamlakatimiz elektr energetika tizimida ekologik toza elektr energiyasi ishlab chiqarishni kengaytirishga xizmat qilmoqda.