Iqtisodiyot
O‘zbekistonda investitsiyalar 35 yil ichida 14 barobarga oshgan
Milliy statistika qo‘mitasiga ko‘ra, 2025-yilda iqtisodiyot va ijtimoiy sohani rivojlantirish uchun 591,1 trln so‘m miqdorida asosiy kapitalga investitsiyalar o‘zlashtirilgan.
Qayd etilishcha, ushbu ko‘rsatkich 1991-yilga nisbatan 14,2 barobarga oshgan. Jumladan, 1991 yilda asosiy kapitalga investitsiyalar 11,6 mlrd rublni tashkil etgan bo‘lsa, 2000-yilga kelib bu ko‘rsatkich 744,5 mlrd so‘mga yetgan.
Shuningdek, 2010-yilda investitsiyalar hajmi 16,4 trln so‘mni tashkil etgan bo‘lsa, 2015-yilda 44,8 trln so‘mga yetgan.
So‘nggi besh yilda esa o‘sish yanada tezlashgan. 2020-yilda 210,1 trln so‘m bo‘lgan investitsiyalar 2024-yilga kelib 507,4 trln so‘mga yetgan, 2025-yilda esa 591,1 trln so‘mni tashkil etgan.