Jamiyat
O‘zbekistonda har 100 uy xo‘jaligiga nechta avtomobil to‘g‘ri kelishi ma’lum qilindi
O‘zbekistonda 2025-yil holatiga ko‘ra, 100 ta uy xo‘jaligiga o‘rtacha 61 ta yengil avtomobil to‘g‘ri kelmoqda. Bu haqda Milliy statistika qo‘mitasi xabar berdi.
Ma’lum qilinishicha, so‘nggi o‘n yillikda mazkur ko‘rsatkich sezilarli o‘sishni namoyon etdi. Jumladan, 2010-yilda 100 ta uy xo‘jaligiga 21 ta avtomobil to‘g‘ri kelgan bo‘lsa, 2015-yilga kelib bu raqam 42 taga yetgan.
2020-yilda esa ko‘rsatkich 49 tagacha oshgan. 2025-yilga kelib esa u 61 taga yetgani qayd etildi.
Eslatib o‘tamiz, avvalroq O‘zbekistonda 2025-yilda 100 ta uy xo‘jaligiga o‘rtacha 359 ta mobil telefon to‘g‘ri kelgani haqida xabar bergandik.