Siyosat
O‘zbekiston Yevropa Ittifoqi bilan viza tartibini soddalashtirish bo‘yicha muzokaralar olib bormoqda
O‘zbekiston Yevropa Ittifoqi bilan viza tartib-qoidalarini soddalashtirish bo‘yicha muzokaralar olib bormoqda va Yevropa tomoni bu masala Yevrokomissiya yig‘ilishi kun tartibiga qo‘yilishi uchun bajarilishi kerak bo‘lgan bir qator shartlarni belgilab berdi.
O‘zbekiston Tashqi ishlar vazirligi va Yevropa Ittifoqining Migratsiya va ichki ishlar bosh boshqarmasi o‘rtasida ekspertlar darajasidagi maslahatlashuvlarning birinchi raundi bo‘lib o‘tdi, deb xabar berdi “Dunyo”.
TIV Konsullik-huquqiy departamenti xabariga koʻra, muzokaralar chogʻida ishga joylashish, xorijga oʻqish uchun ketayotgan Oʻzbekiston fuqarolari, xalqaro yuk tashish haydovchilari va turistik guruhlar uchun viza berish tartiblarini soddalashtirish imkoniyatlari muhokama qilindi.
Xususan, Yevropa tomoni O‘zbekiston o‘z fuqarolari uchun vizalar tartibini yengillashtirish bo‘yicha Yevropa komissiyasi ko‘rib chiqish uchun taqdim etilgan takliflarga nisbatan bajarishi kerak bo‘lgan qator talablarni belgilab oldi. Hisobotda bu shartlar nimani anglatishiga aniqlik kiritilmagan.
Tomonlar belgilangan maqsadlarga imkon qadar tezroq erishish uchun bunday muloqotni davom ettirishga kelishib olganliklarini qayd etdilar.