Siyosat
«O‘zbekiston va AQSh savdo munosabatlarida yangi sahifa ochildi» — Komil Allamjonov
Amerika–O‘zbekiston ishbilarmonlik va investitsiya kengashi rasman o‘z faoliyatini boshlagani sharafiga tantanali kechki ovqat uyushtirildi.
«O‘zbekiston va AQSh o‘rtasidagi savdo munosabatlari tarixida yangi sahifa ochilishida yonimizda bo‘lgan Oq uy, Davlat departamenti, Savdo vazirligidagi hamkorlarimizga hamda Markaziy Osiyo mamlakatlari elchilariga minnatdorlik bildiraman», — deb yozdi Prezident Administratsiyasining AQShdagi vakili Komil Allamjonov.
O‘zbekiston va AQSh ikki tomonlama savdo munosabatlarini o‘zaro manfaatli asosda tartibga soluvchi kelishuvlar ustida ish olib borilmoqda.
Saida Mirziyoyevaning AQSh savdo vakili, elchi Jeymison Grir bilan o‘tkazilgan uchrashuvda amerikalik investorlarning O‘zbekistonga nisbatan ortib borayotgan qiziqishini muhokama qilingandi.