Sport
O‘zbekiston U-17 jahon chempionatidagi raqiblarini bilib oldi
O‘zbekiston o‘smirlari “E“ guruhida Italiya, Kot-d’Ivuar va Yamayka bilan to‘qnash keladi.
Shveytsariyaning Tsyurix shahrida 17 yoshgacha bo‘lgan futbolchilar o‘rtasidagi jahon chempionatiga qur’a tashlash marosimi o‘tkazildi.
O‘zbekiston U-17 terma jamoasi “E“ guruhida Italiya, Kot-d’Ivuar va Yamayka bilan to‘qnash keladigan bo‘ldi.
Musobaqa 2026 yil 19 noyabridan 13 dekabrigacha Qatar maydonlarida o‘tkaziladi. Unda 48 ta terma jamoa 12 guruhga bo‘lingan holda kurash olib boradi.
O‘zbekiston U-17 terma jamoasi jahon chempionati yo‘llanmasini Saudiya Arabistonida o‘tkazilgan Osiyo Kubogida qo‘lga kiritdi. Bosh murabbiy Sergey Chigodayev shogirdlari musobaqa yarimfinaliga qadar yetib bordi.